Receta e sotme është një Bukë me drithra dhe fara. Jua kam shprehur shumë herë se sa shumë e dua bukën? E adhuroj do të thoja. Mua më pëlqen të eksperimentoj me kombinimet. Herë-herë shtoj ndonjë përbërës të veçantë për të parë se si e ndryshon shijen. U bë shumë vite që unë e bëj bukën në shtëpi (siç e kam përmëndur edhe këtu). Përdorimi i makinerisë së bukës me kursen lodhjen dhe ndotjen e kuzhinës. Recetën e sotme e kam bërë pikërisht me këtë pajisje. Megjithatë, nëse nuk e keni, thjesht do ju konsumojë pak më tepër kohë punimi I brumit.
Si një blogere ushqimi, më ndodh shpesh të më pyesin edhe mbi pajisjet që unë përdor në kuzhinë. Pyetje të tipit se çfarë pajisjesh kam, apo vendin ku I kam blerë etj… E kuptoj që kam mbi vete edhe përgjegjësinë e të sugjeruarit të produktit cilësor. Për këtë arsye në blog keni edhe disa postime pikërisht mbi këto pajisje. I gjeni të gjitha në këtë kategorinë 
këtu. U bë disa kohë që unë kam eksperimentuar me produktet e firmës Palma dhe ju garantoj që janë vërtetë cilësore. Për recetën e sotme përdora grurin Palma, të cilin e zjeva për 10 minuta. Ishte fiks aq sa duhej për këtë recetë.
Bukë me drithra dhe fara
Përbërësit
- Për bukën
- 1 kupë ujë
- 1 kupë miell drithrash e farash (lexo përbërësit më poshtë)
- 2 kupa miell
- 1 luge gjelle sheqer kaf
- 1 lugë çaji kripë
- 1 ½ lugë çaji maja birre
- 3 lugë gjelle vaj ulliri
- 1 kupë grurë (Palma) I zier
- Për miellin e drithrave (të firmës Palma)
- 3 lugë gjelle tërshërë
- 1 lugë gjelle fara lini
- 1 lugë gjelle fara çia
- 1 lugë gjelle fara susami
Instructions
- Në fillim përgatisim miellin e drithrave duke I futur tërë përbërësit në mikser dhe I kthejmë në pluhur.
- Në një enë të madhe hidhni të gjithë përbërësit e bukës dhe trazojeni brumin me duar për gati 10 minuta. Sigurohuni që ta punoni në mënyrë të vazhdueshme në mënyrë që gluteni të formohet mirë.
- Nëse do përdorni makinerinë e bukës, hidhni përbërësit (uji ë vaji në fillim e pastaj të thatat) dhe përdorni programin e bërjes së brumit.
- Mbulojeni tasin e brumit me një qese trasparente dhe lereni në një vend të ngrohtë në mënyrë që të dyfishojë volumin;
- Pasi të ketë kaluar koha e nevojshme, shtypeni brumin me duar që të dalë ajri I krijuar.
- Hapeni brumin në formë drejtkëndore dhe rrotullojeni si cilindër.
- Sistemojeni brumin në një tavë drejtkëndore (tavat për bukë) të cilën e keni lyer me gjalpë e më pas spërkatur me miell. Lereni brumin te vijë edhe për rreth 40minuta;
- Ngrohni furrën në 220˚C;
- Piqeni bukën në furrën e ngrohur për gati 40 minuta ose deri sa te ketë marrë një ngjyrë kafe të lehtë.
- Pasi të jetë pjekur, hiqeni bukën nga ena dhe lereni të ftohet mirë mbi një zgarë metalike.
- Kujdes! Rezistojini tundimit ta prisni bukën sa është e nxehtë pasi kështu nuk do ta lini të kullojë tamam dhe do të bëhet e squllët.
Leave a Reply