Kek gluten free me cranberries të freskëta; Sepse edhe miqtë tanë që vuajnë nga intoleranca duhet të shijojnë një copë kek të mirë, Apo jo?
Maksimumin e shijes ky kek e ka nëse përdorni boronica të kuqe të freskëta (cranberries). Megjithatë, nëse jetoni në Shqipëri është pak e vështirë ti gjesh. Si zëvëndësues mund të përdorni boronicat e kuqe të thara pasi ato gjenden thuajse kudo. Mjafton ti lini rreth 30 minuta në ujë para përdorimit që të hidratohen paksa.
Përse sugjeroj të përdorni boronica të kuqe të freskëta? Sepse janë më të athta dhe i japin një ndjesi më të lehtë kekut, por edhe të thatat mund të bëjnë punë.
Si mendoni, do ta provoni edhe ju ta bëni këtë Kek gluten free me cranberries të freskëta?
Sot në mëngjes kur po shkruaja këtë recetë, mu fanit para syve fundjava. E dini si do doja të ishte fundjava ime ideale?
Me një filxhan kafe përpara, zgjimi me nge, një fetë kek, ndoshta pak shi përjashtë e unë mundësisht zgjuar vonë. Kjo do ishte receta perfekte për një mëngjes përtac.
Do thoni ju, çfarë të mungon ta kesh të tillë, asgjë, thjesht që sot është e premte e duhet të jemi në punë hihihihi.
Ok, boll me shkrime, po ju lë rehat të lexoni recetën… nëse do e bëni…dhe mirë do bëni 🙂
Kek gluten free me cranberries të freskëta
Notes
Nëse dëshironi ti hidhni krem përsipër, mjafton të përzieni rreth 1 kupë sheqer pluhur me pak lëng portokalli dhe ta trazoni sa masa të bëhet homogjene dhe disi e trashë. Kujdes mos e holloni shumë, hidhni lëngun e portokallit pikë-pikë deri në trashësinë që dëshironi.
Përbërësit
- 🔹️ 2 vezë
- 🔹️120g sheqer
- 🔹️ 300g kos
- 🔹️ 120ml vaj
- 🔹️ 1 l kafe kripë
- 🔹️1 kupë (200g) miell pa gluten (ose normal)
- 🔹️ lëkura e dy portokalleve
- 🔹️ 1 paketë pluhur pjekës
- 🔹️ 1 kupë cranberries të freskëta (ose të thata në mungesë)
Instructions
- Ngrohim furrën në 180°C.
- Rrahim vezët me sheqerin dhe shtojmë kosin, vajin, dhe gjithë përbërësit e tjerë përveç cranberries.
- E trazojmë mirë dhe shtojmë cranberries të colat i kemi lyer me miell.
- I përziejmë me kujdes. Lyejmë një tavë me spray jo-ngjitës dhe hedhim brumin.
- E pjekim rreth 50minuta ose deri sa maja e thikës të dalë e thatë.
- Nëse doni ta servirni me krem sheqeri, lexoni tek shënimet e kësaj recete në fillim.
Leave a Reply