Disa kotoleta të veçanta me një përbërës misterioz

Kjo është një ndër recetat që ha vetëm im shoq, pasi unë dhe fëmijët as që bëhet fjalë të hamë të brendshme të çuditshme të kafshëve. Në fakt e di që do kisha tërhequr më shumë vëmëndje po ta shkruaja emrin e përbërësit kryesor që në titull, por e lashë surprizë. Në Shqipëri testikujt e kafshëve konsumohen gjërësisht. Kryesisht ato të dashit kanë më shumë famë (bolet e dashit hihihihi), por edhe të viçit nuk ngelen mbrapa.

Kur I kam gatuar për herë të parë, I futa në furrë të piqeshin, me pak vaj ulliri e kripë, por bëra një gabim që nuk I hoqa cipën mbështjellëse dhe dolën shumë të thata e të forta. Ndaj, këshilla ime është që fillimisht ti hiqni cipën mbështjellëse pasi është shumë e fortë. Bëni një prerje gjatësore me kujdes dhe tërhiqeni cipën me dorë. Hiqet vërtet shumë kollaj.

[lt_recipe name=”Disa kotoleta të veçanta me një përbërës misterioz” servings=”2 persona” prep_time=”5M” cook_time=”15M” total_time=”20M” difficulty=”E thjeshtë” print=”yes” image=”https://bakemydayhappy.com/wp-content/uploads/2018/07/testikuj-vici-5.jpg” ingredients=”• 2 testikuj viçi (akoma më mirë nëse gjeni dashi);• 1 kokërr vezë;• 100gr miell;• 100gr galetë (unë përdora bukë të zezë të grirë);• Kripë, piper sipas dëshirës;• Vaj luledielli për skuqje;” ]Ngrohni furrën në 240ºC; Zhvishni testikujt nga cipa mbështjellëse dhe pritini ne feta me trashësi 2 cm; Merrni 3 enë të sheshta ku të hidhni në njërën miellin, në tjetrën vezën e rrahur dhe në të fundit galetën ; Kriposni dhe piperosni fetat e testikujve sipas dëshirës. Më pas lyeni fetat në miell, në vezën e rrahur dhe në fund në galetë. Përsërisni këtë proces deri në përfundim të të gjithë testikujve; Ngrohni vajin për skuqje. Më pas skuqni të kotoletat në vaj të nxehtë deri sa të marrin ngjyrë kafe të lehtë; Pasi ti keni skuqur, vendosini në tavë dhe piqini në furrë për gati 10 minuta; Servirini ende të ngrohta me pak sallatë shoqëruese.[/lt_recipe]