Supë enchilada me pulë dhe perime

Për herë të parë e kam bërë këtë pjatë kur bleva tenxheren Slow-cooker. Ishte një recetë që e gjeta në internet por që e përshtata sipas përbërësve që gjenden në Shqipëri.

Kjo supë kërkon salcë enchilada të cilën e kam përshtatur nga blogu i Gimme some oven, domate dhe speca të pjekur në prush. Tani do thoni, ou ç’ja paske ngenë ti, të ndezim zgarën ne për dy domate e speca??! Epo, sigurisht që jo, nuk e pres këtë gjë nga ju, biles as nga vetja ime nuk e pres.

Unë përdora flakën e sobës me gas për t’i pjekur. Ngula një thikë të gjatë tek kërcelli i domateve dhe specit dhe duke i rrotulluar mbi flakën e gazit i poqa. Më kërkoi rreth 7 minuta kohë.

Mund t’a përgatisni këtë supë dy deri në tre ditë në avancë dhe ta mbani ose në frigorifer, ose në ngrirje nëse do e ruani për më gjatë.

Unë e gatova të dielën dhe e vendosa në frigorifer, për ta servirur sipas planit tim ditën e enjte në drekë.

[lt_recipe name=”Supë enchilada me pulë dhe perime” servings=”4 persona” prep_time=”20M” cook_time=”35M” total_time=”55M” difficulty=”E thjeshtë” print=”yes” image=”https://bakemydayhappy.com/wp-content/uploads/2018/06/enchilada-soup-2.jpg” ingredients=”Supa enchilada me mish e perime:;• 1 gjysëm fileto pule;• ½ kanaçe misër kokërr (e kulluar nga uji);• 1 kanaçe fasule të kuqe (e kulluar nga uji);• 2 domate mesatare të pjekura në prush (të prera);• 2 speca jeshilë të pjekur në prush (të prera);• 2 kupa salcë Enchilada*;• 2 kupa lëng mish pule;• 2 lugë çaji kumin i bluar;• 1 tufë majdanoz;• 4 lugë gjelle krem të athët (për servirje);• 1 kupë patatina naços me djathë (për servirje);Salca Enchilada: ;• 2 lugë gjelle vaj ulliri;• 2 lugë gjelle miell;• 3 lugë gjelle pluhur Chili (në mungesë përdorni paprika por do ia ndryshojë shijen tërësisht);• 1 lugë çaji kumin i bluar;• 1 lugë çaji pluhur hudhre;• 1 lugë çaji rigon;• 1 lugë çaji kripë;• 2 kupa ujë ose lëng mishi ose lëng perimesh;” ]Filloni duke përgatitur salcën enchilada. Ngrohni vajin e ullirit dhe shtoni miellin. Trazojeni një ose dy herë dhe shtoni erëzat. Skuqini sa të lëshojnë aromën e tyre, pak a shumë rreth 1 minutë duke i trazuar vazhdimisht. Shtoni lëngun e mishit (ose ujin) dhe lereni të ziejë sa të trashet, rreth 10 minuta në zjarr të ulët. Pjesën që nuk do përdorni nga salca ruajeni në frigorifer pasi do na duhet për ditë tjetër; Për supën, nëse keni slow-cooker atëhere ju këshilloj fort ta përdorni; Nëse do përdorni slow-cooker, në darkë vendosni fileton e pulës, 1 kupë ujë (ose lëng mishi), domatet dhe specat e prerë, misrin, fasulet dhe 2 kupat e salcës enchilada. Trazojeni dhe ndizeni në temperaturë të ulët për 6 orë. Dy orë para përfundimit (që i bie gati në mëngjes), përdorni dy pirunj për ta bërë mishin fije-fije. Trazojeni dhe lereni të gatuhet deri në fund që aromat të përzihen mirë; Nëse do e bëni në tenxhere, zieni mirë fileton e pulës sa të bëhet fije-fije. Pastaj kalojeni sërisht në tenxhere, hidhni 2 kupa nga lëngu i zierjes dhe shtoni me rradhë gjithë përbërësit përveç majdanozit, salcës së athët dhe patatinave naços . Rregullojeni me kripë nëse e shihni të nevojshme dhe lereni të ziejë ngadalë për gati 15 minuta; Për ta servirur, ndajeninë katër pjata servirjeje dhe mbi secilën prej tyre shtoni nga një lugë gjelle krem të athët, majdanoz të grirë dhe disa patatina naços me djathë.[/lt_recipe]