Kush nuk do ta donte tani në verë një akullore e shpejtë me shije kosi? Në fakt me afrimin e kohës së ngrohtë, të gjithë pranojmë me dëshirë se një akullore do na freskonte më së miri
Mirëpo, akulloret e blera shpesh kanë shumë sheqer ose shumë përbërës të tjerë që ndoshta nuk na bëjnë mirë. Unë kisha në shtëpi pajisjen e akullores e cila kish zënë pluhur se nuk e përdorja. Një nga arsyet pse nuk e përdorja ishte se para se të blija frigoriferin banak, frigoriferi i shtëpisë nuk ma nxinte.
Ndaj e degdisa diku ku dhe e harrova realisht. Sot, ose më mirë dje, duke pastruar dollapin, e pashë dhe e nxora. E pastrova mirë dhe e futa bazën në frigorifer të ngrinte.
Për kuriozitet, e dini si funksionon një pajisje akulloreje?
Para se të kaloj te receta dua t’ju them një gallatë. Unë nuk e dija si funksiononte një makineri akulloreje. Flas këtu e 20 vite para. Mendoja se ishte një tip mikseri, qe e vije në prizë dhe fillonte të ngrinte (si frigoriferi) dhe duke trazuar, do ngrinte dhe akulloren. E me kete ide, vajta bleva një pajisje (të cilën sot e gëzon motra ime pasi ia dhurova asaj). Se keni idenë çfarë zhgënjimi pësova kur mësova se nuk ishte ashtu si e kisha menduar unë.
Mirëpo, si është e ndërtuar kjo pajisje? Thjesht fare. Baza e makinerisë është një enë me dopio mure dhe në mes ka një lëng si ai i akumulatorëve të termuseve i cili ngrin dhe e mban temperaturën e ulët për një kohë të gjatë. Veshja e brendshme është alumin dhe ajo kthen kremin në akullore të shpejtë.
Të kalojmë te receta jonë, kjo Akullore e shpejtë me shije kosi ka vetëm 4 përbërës dhe realisht ia vlen ta përgatisni në shtëpi. Mund të lexoni me vëmendje recetën pasi ju tregoj si ta bëni edhe pa pasur pajisjen e akullores.
PS: Nëse doni të eksperimentoni me shijen, këtu në blog keni dhe një version me salep dhe të përgatisni vetë kaushin për akullore.
Akullore e shpejtë me shije kosi
Përbërësit
- 🔹️ 200g fiocchi di latte
- 🔹️ 250ml krem qumështi
- 🔹️ 2 lugë gjelle sheqer pluhur
- 🔹️ 4 lugë gjelle sour creme (salcë schmand)
- 🔹️ pak vanilje pluhur
Instructions
- Metoda me makinën e akullores
- Fusim minimumi 24 orë bazën e makinerisë në ngrirje se ndryshe nuk bëhet akullorja.
- Të nesërmen, në një mikser me thikë bluajmë salcën schmand sheqerin dhe fior di latte (cottage cheese) shqip nuk di si ta përkthej.
- E bashkojmë dhe me kremin e qumështit e vaniljen.
- E hedhim te makineria e akullores.
- Pas 20 min akullorja është gati ta hani direkt ose vendoseni në enë plastike e në ngrirje që të mpikset pak më shumë.
- Pa makinën e akullores
- Pasi kemi bluar salcën s chmand, fior di latte dhe sheqerin pluhur shtojmë kremin e qumështit dhe e rrahim për pak sekonda sa të rrihet çik kremi i qumështit. Masa do ngjajë si salcë kosi.
- E hedhim në tas plastik dhe e fusim në ngrirje.
- Pas 30 min, e nxjerrim, e trazojmë me pirun që të bëhet pas si kremoze e mos krijohen akuj. E përsërisim këtë hap dhe 2 herë të tjera dhe në fund të 30 minutëshit të katërt (total 120 minuta), akullorja është gati.
Leave a Reply