Fufu është një gatim tradicional Afrikan dhe konsiderohet siç kemi ne bukën. Unë mendova ta servir fufu me perime dhe vaj chili. Duke qënë se në shtëpinë tonë konsumohet shpesh yucca (manioka/cassava) vendosa të kontrolloj internetin se për çfarë përdoret ky zhardhok përveçse sallatë. E kështu u ndesha me Fufu dhe thashë ta provoj.
Baya e fufu siç e thashë edhe më lart, është yucca (juka) dhe mund të bëhet fare mirë vetëm me të pa qënë nevoja të shtojmë bananen jeshile.
Receta tamam do plantain, por në Shqipëri nuk e gjejmë dot dhe bëjmë devijime.
Mund ta evitoni edhe komplet në recetë.
Nga niseshteja e rrënjës së yuccas bëhen perlat tapioca të cilat unë i përdor shpesh për këtë pudingun këtu. Perlat e mëdha përdoren për çajin boba.
Për sot, yuccan po e përdor për të gatuar Fufu me perime dhe vaj chili. Nëse e provoni, pres përshtypjet tuaja.
Fufu
Notes
*Për vajin chili unë skuqa në pak vaj ulliri 1 thelpi hudhër, pak piper të kuq djegës dhe pak xhinxher të grirë.
Përbërësit
- Për fufu:
- 🔹️ 2 rrënjë manioka (yucca/cassava)
- 🔹️ 1 banane jeshile (ose plantain nëse e gjeni)
- 🔹️ ½ kupë ujë
- 🔹️ pak kripë
- Për servirjen:
- 🔹️ perime mix (karotë, kungull speca, qepë të njomë)
- 🔹️ avocado dhe pak limon
- 🔹️ 1 lugë vaj chili*
Instructions
- Përgatisim fufu si fillim. Në një blender ose mikser të fuqishëm (unë përdora mikserin tim të ri KitchenAid) grijmë maniokën e prerë në kubikë, bananen jeshile dhe ujin
- I bluajmë sa të bëhen masë e lëngshme si në video.
- E kalojmë masën në një tenxhere që nuk ngjit. Shtojmë pak kripë dhe e vëmë në zjarr të ulët.
- E trazojmë pa ndaluar me ndihmën e në lugë/spatule silikoni deri sa masa bëhet brumë i ngjitshëm. I përngjason pak hallvës veçse nuk shkëputet tërësisht nga ena.
- Pasi është gatuar e ndajmë në katërsh dhe secilin topth e rrotullojmë në qese celofani pasi kështu brumi nuk zë kore.
- E shoqërojmë fufun me perimet që i gatuajmë në zjarr, dhe pak vaj chili përsipër.
- Shkon shumë edhe me tasqebap, ose mish gici të gatuar, por unë sot nuk kisha mish dhe e sajova vegjetariane 🤣.
Nutrition Facts
Fufu
Serves: 4 persona
|
Amount Per Serving: 1 topth
|
||
|---|---|---|
| Calories | 485kCal | |
| % Daily Value* | ||
| Total Fat 4g | 6.2% | |
| Saturated Fat 0g | 0 | |
| Trans Fat 0g | ||
| Cholesterol 0mg | 0 | |
| Sodium 137mg | 5.7% | |
| Total Carbohydrate 70g | 23.3% | |
| Dietary Fiber 24g | 96% | |
| Sugars 5g | ||
| Protein 2g | ||
| Vitamin A 173% | Vitamin C 27% | |
| Calcium 2% | Iron 3% | |
* Percent Daily Values are based on a 2,000 calorie diet. Your daily values may be higher or lower depending on your calorie needs.
Bake My Day Happy
Leave a Reply