Charlotte Cake me krem -një kek pandispanjë në fakt sepse receta origjinale kërkon biskota savoiardi (nga ato që përdoren për tiramisunë). Zgjodha këtë tavë pasi imiton pikërisht formën e tortës charlotte.
Tani që ta kuptoni, unë kam një difekt. Nëse do më vije përballë një dyqani më rroba/kozmetikë, dhe një dyqani me enë kuzhine… epo… e dini përgjigjen. Pikërisht, do më kapnit duke hapur sytë para këtij të fundit.
Këtë javë kam vendosur të ndaj vetëm postimet me kek me këto format imitim të Nordicware. Duket sikur forma e kekut nuk ka shumë impakt në rezultatin final, por besomëni që ka. Dhe shumë madje.
Ndonjëherë nxitemi të blejmë ndonjë enë kuzhine vetëm sepse janë të lira. E ky është gabim, pasi një produkt i lirë nuk të jep as cilësi dhe as jetëgjatësi.Nuk e di nëse e dini atë shprehjen “Nuk jam i pasur që të blej lirë”, por po ta vëreni, ka shumë kuptim.
Nisemi të blejmë diçka dhe themi, ua kaq lirë sa e bleva, dhe po më jetoi një sezon/muaj/vit, i ka nxjerrë lekët e veta. Hë, mos gënjeni veten, llogariteni çmimin e një tave të shtrenjtë kundrejt 20 tavave të lira. Kush del më shtrenjtë?
Përveç mërzitjes që do duhet t’i ndërroni shpesh, apo dështimeve në gatim, jam e bindur qe nëse do provoi një tavë të shtrenjtë do dalloni ndryshimin, Do thoni si unë, po pse se bleva që në fillim dreqin.
Okay, boll me hyrjen, të kalojmë te receta tani.
Charlotte cake me krem
Përbërësit
- Keku Charlotte
- 🔹️ 4 vezë
- 🔹️ 1 kupë miell
- 🔹️ 1 l kafe pluhur pjekës
- 🔹️ 2/3 kupë sheqer.
- 🔹️ 4 vezë
- 🔹️ 1 kupë miell
- 🔹️ 1 l kafe pluhur pjekës
- Sherbeti
- 🔹️ 2/3 kupë sheqer.
- 🔹️ 1/4 kupë ujë
- 🔹️ 1/4 kupë sheqer
- 🔹️ vanilje
- Kremi vanilje & çokollatë:
- 🔹️ 120g mascarpone
- 🔹️ 80g sheqer pluhur
- 🔹️ 100ml panna e pasheqerosur
- 🔹️ 1 bustine vanilje
- 🔹️ 1 lugë gjelle kakao për kremin e çokollatës
Instructions
- Ndezim furrën në 170°C. Lyejmë tavën me diametër 22 cm me spray gatimi ose gjalpë+miell.
- Rrahim vezët dhe sheqerin derisa bëhen shkumë dhe marrin ngjyrë të çelët.
- Sitim miellin dhe pluhurin pjekës dhe i bashkojmë me spatul ose lugë druri që mos na ulet volumi.
- E pjekim rreth 1 orë. Pasi është pjekur, e heqim nga tava dhe e njomim me shurupin (pasi kemi vluar disa sekonda përbërësit e shurupit).
- E lëmë tortën të ftohet dhe trazojmë me mikser përbërësit e kremit pa kakaon deri sa masa nuk lëviz nga ena.
- E ndajmë në dy pjesë dhe njërës i shtojmë kakaon dhe e trazojmë.
- Pasi torta është ftohur, e dekorojmë.
- Ja pra, në fundjavë kur të keni më shumë kohë të lirë, unë ju dhashë një ide për ëmbëlsirën që ta gatuani vetë.
Leave a Reply