Prita shumë gjatë për të postuar këtë puding të veçantë për të vetmen arsye se në Shqipëri është e vështirë të mund të gjesh perlat e tapiokës.
Më në fund arrita të gjej edhe në Tiranë në një market shumë të mirë që është hapur këto vitet e fundit dhe tani mund ta ndaj me ju lirisht.
E kisha planifikuar ta ndaja më herët se sa sot, por sëmundja më vuri për poshtë ☺. Nuk e dija që alergjitë të kapkan edhe në vjeshtë, por e mësova në mënyrën e dhimbshme.
Ti lëmë hallet e mia mënjanë, po ju lë me recetën e pudingut.
Kjo është një recetë që nuk ka nevojë për niseshte pasi vetë perlat e tapiokës
Puding me kakao dhe perla tapioka
27 Shtator, 2018
Persons
4
Serving Size
1 kupë
Prep Time
13 minutes
Cook Time
10 minutes
Total Time
23 minutes
Përbërësit
- • 1 kupë me perla tapioca
- • 200 ml krem qumështi i ëmbëlsuar
- • 200 ml qumësht
- • 2 lugë gjelle kakao e hidhur
- • pak vanilje
- • Për dekorim, krem qumështi i rrahur
Instructions
- Vlojmë 2 kupa ujë dhe sapo uji ka zier, shtojmë perlat tapioca.
- I lëmë te ziejnë për gati 10 minuta ose deri kur të jenë bërë transparente.
- I kullojmë dhe i shpëlajmë mirë. Në një tenxhere të vogël ngrohim qumështin, kremin e qumështit, kakaon deri sa të tretet mirë kjo e fundit.
- Shtojmë perlat e tapiokës dhe duke trazuar vazhdimisht e gatuajmë në zjarr të ulët deri sa të trashet.
- Shtojmë pak vanilje dhe pudingun e kalojmë në tasa servirjeje;
© 2024 Bake My Day Happy 2016-2024
Leave a Reply