Tortë me banane e krem djathi? Nuk ju duket një kombinim fantastik? Deri më sot ju kam treguar shumë receta që kam bërë në fritezën me ajër. Crumble me pjeshkë, kroketa kungulleshkash, fileto pule etj.
Sot ka ardhur dita t’ju tregoj edhe se si mund të përgatisni një kek. Në fakt, më shumë një tortë sesa kek. Për këtë do ju duhet një tavë me diametër 16cm që t’jua nxërë friteza me ajër. Unë kam përdorur tavën e vogël të linjës GreenPlanet. I ka anësoret e drejta dhe kjo bën që baza e tortës të dalë e drejtë dhe të ngjajë bukur më dekorim.
Në fakt, nuk arrita ti bëj një foto kekut me banane që poqa në airfryer por besoj se kështu i veshur është më i bukur ✌.
Nese doni ta përgatisni edhe ju, më poshtë gjeni recetën për këtë tortë me banane e krem djathi.
Tortë me banane e krem djathi
Përbërësit
Për kekun:
- 🔹️ 2 banane të tej pjekura
- 🔹️ 2 vezë
- 🔹️ 1/2 kupë sheqer kaf
- 🔹️ gjysëm gote kos
- 🔹️ gjysëm gote vaj
- 🔹️ 2 gota miell
- 🔹️ pak kripë
- 🔹️ vanilje
- 🔹️ 1 lugë çaji pluhur pjekje
- 🔹️ 1 majë luge sodë buke
Për kremin:
- 🔹️ 50g gjalpë i butë
- 🔹️ 300g krem djathi philadelphia
- 🔹️ vanilje
- 🔹️ 100g sheqer pluhur
- 🔹️ 3 lugë gjelle reçel fruta pylli për mbushje
Instructions
- Përziejmë përbërësit e lëngët të kekut dhe pastaj i bashkojmë të thatat.
- E kalojmë brumin në një tavë me diametër 16cm të vajisur mirë dhe e pjekim në airfryer ose furrë në 180°C për 30minuta.
- Pasi është pjekur e lëmë të ftohet shumë mirë. E presim në 3 feta të barabarta.
- Përgatisim kremin e djathit duke rrahur gjalpin 1 minutë, pastaj shtojmë philadelphian dhe në fund vaniljen e sheqerin pluhur. E rrahim deri sa të lidhet kremi.
- Për ndërtimin e tortës shtrojmë sipas rradhës:
- • një fetë kek
- • krem djathi
- • reçel fruta pylli
- • kekun
- • krem djathi
- • reçel fruta pylli
- • në fund e mbyllim me fetën e fundit të kekut.
- Me kremin e mbetur dekorojmë tortën nga jashtë
Leave a Reply