Brownies në tigan janë mënyra më e shpejtë për të gatuar këtë ëmbëlsirë kaq fantastike.
Nuk besoj se ka njeri që nuk I adhuron brownies. Ose më mirë, të vetmit që nuk I pëlqejnë janë ata që nuk hanë as çokollatën. Këta të fundit vë bast që numërohen me gishtat e një dore :-D.
Para pak kohësh bleva këta tiganë të vegjël gize dhe pas proçesit të djegies, I përdora për ëmbëlsirë.
Tiganët e gizës janë shumë të mirë në gatim, ama kanë pak punë përgatitore. Ka gjithashtu edhe plot benefite kur gatuani me to. Si për shembull:
- Duke qënë prej hekuri, ushqimet që gatuhen aty pasurohen me hekur.
- Janë jetëgjatë nëse mirëmbahen si duhet
- Ruajnë më gjatë ngrohtësinë etj..
Unë I përdor shpesh, por nuk kisha në madhësi të vogla ndaj u gëzova kur I gjeta këto që shihni në foto.
Mbaj mend që kur gatuar në tigan gize paparen e ëmbël (receta këtu), e konsumuam të ngrohtë nga fillimi deri në fund. Po kështu edhe me paparen e kripur (receta këtu). Kjo është vetëm merita e tiganit që e mbajti gatimin të ngrohtë deri në fund.
Këto të rejat I kam blerë me qëllimin për ti patur edhe si pjata servirjeje. Ama doja që ti inauguroja me këtë recetë super për broënies. Sigurisht që cilësia e tyre nuk është aq e mirë sa tiganët markë, po gjithsesi, punën e bëjnë shkëlqyer.
Këtë recetë e bëra me video, ndaj nuk pranoj të më thoni që nuk I bëni dot. Shihni videon, blini përbërësit dhe përvishni mëngët.
Vetëm kini kujdes, këto brownies në tigan gize krijonë varësi.
Këshillohet të konsumohen me ngadalë që të merrni maksimumin e shijes në çdo kafshatë 😊.
Brownies në tigan
Përbërësit
- 🔹️ 3 vezë
- 🔹️ 1/2 kupë sheqer i bardhë
- 🔹️ 1/2 kupë sheqer kaf
- 🔹️ 4 lugë gjelle (me majë) miell
- 🔹️ 1 lugë gjelle kakao
- 🔹️ 1 lugë kafe pluhur pjekës
- 🔹️ 100g cokollatë e zezë
- 🔹️ 125g gjalpë
Instructions
- Ndezim furrën në 180°C.
- Shkrijmë në një tenxhere të vockël gjalpin dhe çokollatën (direkt mbi zjarr, jo banjëmari).
- Rrahim vezët dhe sheqerërat sa të bëhet shkumë si në video.
- Shtojmë çokollatën me gjalpë dhe e trazojmë mirë.
- Në fund shtojmë miellin me kakaon dhe pluhurin pjekës.
- E trazojmë dhe pastaj e ndajmë masën midis 4 formave individuale dhe i pjekim për 15 minuta.
- E shoqërojmë me akullore sipas dëshirës.
- Hahet e ngrohtë ose e ftohtë
joana
18 Shtator, 2021 at 11:20 amKto tiganet e gizes ku mund ti blejme recetat super ❤️🥰😘
Bake My Day Happy
18 Shtator, 2021 at 11:21 amNuk e di nëse ka më tani, po unë i kam blerë në një dyqan në Durrës