Një recetë autentike shqiptare është pikërisht Tavë kosi me mish qingji. Biles ka marrë edhe çmim jashtë shtetit mesa di unë. Është një recetë tradicionale e zonë së Elbasanit, mirëpo, gatuhet edhe në shumë krahina të tjera.
Si çdo recetë tradicionale, edhe kjo ka pësuar modifikime nga secila familje që e gatuan. Ndaj unë sot po ndaj ashtu si e bëj unë, gjë që mund të ndryshojë pak nga tradita elbasanase.
Thënë shqip, ju lutem mos më shkruani se si e bën një elbasanllie e vertëtë sepse I dola të keqes para që në paragrafin e parë 😊.
Unë zgjodha ta sjell në tava individuale, por ju mund ta bëni edhe në një tavë të madhe.
Tavë kosi me mish qingji
19 Korrik, 2021
Persons
4
Serving Size
1 racion
Prep Time
10 minutes
Cook Time
40 minutes
Total Time
50 minutes
Përbërësit
- • 5 kokrra vezë
- • 2 lugë gjelle miell
- • 200ml lëng mish qingji
- • 4 copa mish qingji të zier (se na duhet lëngu)
- • 1 litër kos (mundësisht të kulluar)
- • 2 lugë gjelle oriz
- • 50g gjalpë
- • Kripë sipas dëshirës
Instructions
- Ndezim furrën në 220°C. Në një tavë skuqim pak gjalpin dhe miellin derisa ky I fundit të marrë pak ngjyrë. Shtojmë lëngun e mishit dhe e trazojmë deri sa masa të trashet paksa dhe e lëmë të ftohet.
- Në një tas tjetër rrahim vezët me kosin dhe shtojmë kremin e gatuar pasi të jetë ftohur. E rrahim mirë deri sa masa të bëhet homogjene. E rregullojmë me kripë.
- Në secilin tigan, shtojmë ½ lugë oriz të pagatuar. Kjo do na ndihmojë të përthithë ujin e tepërt nga kosi.
- Ndajmë kremin e kosit mbi të 4 enët në mënyrë të barabartë. Sipër shtojmë nga një fetë mish dhe I pjekim tavat për gati 40 minuta ose deri sa të ketë marrë ngjyrë të bukur si në foto.
© 2024 Bake My Day Happy 2016-2024
Leave a Reply