Kisha kohë që doja të ndaja me ju këtë recetë për Salcë karameli të kripur.
Është një nga ato salca që për mendimin duhet ta keni gjithmonë në dollap. Përgatitet lehtë dhe duron gjatë edhe jashtë frigoriferi. Gjatë, dmth ky është term relativ, pasi kaq e mirë sa është, zor se duron gjatë 😊.
Mua më pëlqen mbi çdo ëmbëlsirë në fakt. Ja për shembull kësaj tortës këtu i jep atë prekjen magjike për ta shijuar si duhet.
Megjithatë, ka një sekret që salca e karamelit të dalë fantastike. Ose më saktë, ka vetëm një mënyrë se si të dalë kremoze. Duke përdorur vetëm krem qumështi me bazë shtazore. Në markete gjeni rëndom krem qumështi të ëmbëlsuar, nga ato për ëmbëlsira.
Epo, KËTO NUK BËJNË!! E shkruajta me gërma kapitale pasi vërtet duhet ta mbani parasysh, Ky lloj krem qumështi nuk mund të përdoret për karamelin, pasi nuk e lidh. Nëse keni tentuar më parë dhe ju ka dështuar salca, kjo është arsyeja kryesore
Salcë karameli të kripur
Përbërësit
- • 200g sheqer
- • 90g gjalpë
- • 1 lugë kafe kripë
- • 120 ml krem qumështi
- • vanilje
Instructions
- Hidhni sheqerin në një tigan të thellë. Kujdes, duhet i thellë.
- Lereni sheqerin të shkrijë duke trazuar sipas rastit me lugë druri.
- Kur sheqeri të jetë tretur dhe të ketë marrë ngjyrë karamel, shtoni gjalpin.
- Me kujdes se tani fillojnë kërcitjet e karamelit dhe mund të digjeni. Sapo gjalpi të jetë tretur, shtoni kremin e qumështit, kripën dhe vaniljen.
- Ulni nxehtësinë dhe trazoni deri sa karameli i ngurtësuar nga hedhja e gjalpit të tretet, rreth 10 minuta.
- Kalojeni salcën në një kavanoz qelqi po mos e mbyllni direkt se krijon vakum dhe mezi do ta hapni. Nëse nuk e hani direkt, mund të qëndrojë në dollap për gati 5 muaj ose më shumë.
Leave a Reply