Paçe me kokë qingji është një nga recetat të cilat unë as që e provoj nëse ka apo kripë. Ama, duke besuar në shijet e tim shoqi dhe tim biri të cilët e hanë edhe në restorante kur e gjejnë, them se e bëj të mirë.
Në fakt, paçja bëhet kryesisht me kokën e viçit, por për këtë, duhet ta gjesh, të ta presin, e të kesh tenxhere të aq të madhe sa ta nxërë. Në fakt, kërkon edhe shumë kohë si proces kur bëhet me kokë viçi.
Unë biles, njëherë ia mora recetën Linës, kuzhinieres që e gatuan tek Papajani. (kush është nga Pogradeci e di se për kë e kam fjalën). Ajo më tha se koka e viçit duhet lënë një natë në ujë që të pastrohet mirë. Pastaj zihet avash avash për shumë kohë, aq sa kur e prek të hapen kockat kollaj.
Duke qënë se unë nuk kam as durimin dhe as tenxhere të madhë që të nxërë gjithë kokën e viçit, e solla si version me kokë qingji. Duke parë që edhe im shoq dhe im bir e përlanë, i bie ta kem bërë shumë mirë.
Paçe me kokë qingji
Përbërësit
- 🔹️ 1 kokë qingji e prerë në dysh
- 🔹️ 2 lugë gjelle uthull
- 🔹️ 60g gjalpë
- 🔹️ 2 lugë gjelle miell
- 🔹️ 3 thelpinj hudhër e shtypur
- 🔹️ kripë, piper i zi dhe spec djegës sipas dëshirës.
Instructions
- Unë përdora multicooker pro të delimanos që ka slow cooker (programi P06). Për mua shumë i domosdoshëm në këtë proçes.
- Një natë para fusim kokën e qingjit dhe 3 litra ujë.
- E lëmë të zihet 8 orë sipas programit.
- Të nesërmen kullojmë lëngun dhe zhveshim kokën e qingjit nga mishi.
- E bashkojmë me lëngun dhe e vëmë të vlojë në zjarr të ulët.
- Paralel tresim gjalpim në një tigan ku shtojmë miellin dhe hudhrën.
- Pasi mielli ka marrë aromë të mirë e hedhim tek lëngu i paçes.
- E trazojmë që mos bëhen kokrriza.
- E ziejmë sa trashet pak dhe shtojmë kripë, piper, spec dhe uthullën.
- Sipas dëshirës mund të shtoni apo pakësoni miellin për të arritur trashësinë që dëshironi.
Leave a Reply