Jeni gati për idenë e rradhës? Ju propozoj erëza vegeta të bëra vetë në shtëpi
Sa herë ia hidhni me merak gjellës ato kubat e gatshëm me erëza “vegeta”? Të gjithë i kemi përdorur, edhe pse nuk e dimë se ç’kanë realisht brenda dhe shpesh me brerje ndërgjegje
Unë sot po ju sjell një version të shëndetshëm që mund ta përgatisni vetë. Kjo recetë nxjerr 34 masa nëse përdorni lugë çaji ose dyfish nëse përdorni lugë kafeje.
Për këtë recetë kam përdorur dehidratues perimesh të këtu. Megjithatë në mungesë mund ti thani në furrë në 60°C deri sa të thahen plotësisht. Metoda tradicionale fare fare do kërkonte tharje në diell, por kjo kërkon rreth 2 javë kohë dhe shumë hapësirë në shtëpi.
Erëza vegeta të bëra vetë në shtëpi
Përbërësit
- 4 speca mix të kuq e jeshil
- 1 qepë e madhe
- 3 thelpinj hudhër nga ato të mëdhatë
- 1 karrotë e madhe
- 1 lugë çaji shafran indie (curcuma/turmerik)
- 3 lugë gjelle kripë himalaje.
Instructions
- Prisni perimet në feta të holla sa më uniforme, në mënyrë që të thahen njëkohësisht.
- Rreshtojini në dehidratues
- Mbyllni kapakun dhe çojeni tek numri 4. Proçesi i tharjes më shkoi 12 orë.
- Mund ti thani edhe në furrë me ventilator në 60°C por duhet ti vendosni sipër një zgare që të qarkullojë ajri.
- Pastaj futini perimet e thara bashkë me kripën dhe shafranin dhe grijini imët. Unë përdora Nutribullet për këtë.
- Mund ta përdorni tani ku të doni, në supë, gjellë, sallatë etj, të paktën e dini se çka brenda
Ja pra ku e keni kombinimin tim për Erëza vegeta të bëra vetë në shtëpi. Tani ju mbetet veç ta provoni ta bëni vetë.
Vali
13 Shtator, 2020 at 3:21 pmJu lumshin duart,a mund te behet dhe me kripe te zakonshme😊?
Bake My Day Happy
13 Shtator, 2020 at 3:33 pmPooo, sigurisht
Vali
13 Shtator, 2020 at 5:54 pm🥰😍