Nuk ka gjë më të thjeshtë sesa të bëni çokollatë bounty në kushte shtëpie. Një çokollatë që përgatitet vetëm me 4 përbërës në fakt. E gjithë vështirësia qëndorn në faktin se si do i rezistoni mos ti hani të gjitha.
Çfarë do të cilësoja si shumë të rëndësishme në këtë recetë është përdorimi I produkteve cilësore.
Kur të blini arrë kokosi sigurohuni të merrni cilësinë më të mirë në treg. Nëse arra është shumë e grirë, mbushja do ju dalë si brumë dhe nuk do I përngjajë çokollatës bounty.
Nëse nuk arrini të gjeni arrë kokosi të tharë që të jetë cilësore, atëhere përdorni të freskët. Po, po, pikërisht. Blini një arrë kokosi, çajeni me kujdes (shih linkun këtu) dhe grini tulin e saj në rende. Duke qënë e freskët, sigurisht do jetë edhe më e ujshme, ndaj reduktoni pak sasinë e qumështit të kondensuar.
Po kështu vlen edhe për çokollatën që do bëni veshjen. Sa më e mirë çokollata aq më I mirë do dalë dhe produkti përfundimtar.
Për këtë recetë do të sugjeroja të përdorni çokollatë të zezë, pasi kështu neutralizohet pak ëmbëlsia nga qumështi I kondensuar.
Unë zgjodha ti hedh përsipër disa grimca fare kakaoje (cocoa nibs) dhe pak kripë. I dhanë shumë shije çokollatave.
Kjo Çokollatë Bounty e bërë në kushte shtëpie, është gjithashtu edhe pa gluten.
Çokollatë Bounty
Notes
Vaji i kokosit apo lulediellit duhet për tiu hedhur çokollatës së shkrirë. Kjo bën të mundur që çokollata të bëhet pak më e ujshme dhe të veshë kollaj çokollatat.
Përbërësit
- • 200gr arrë kokosi e thatë
- • 100gr qumësht të kondensuar
- • 120gr çokollatë (e zezë apo me qumësht)
- • 1 lugë çaji vaj kokosi ose vaj luledielli*
Instructions
- Në një tas hedhim arrën e kokosit dhe qumështin e kondensuar. I trazojmë me lugë që të bashkohen mirë.
- Marrim një lugë gjelle nga brumi dhe me duar të lagura i japim formë drejtkëndore dhe i sistemojmë në një tavë të veshur me letër pjekjeje.
- E fusim tavën në ngrirje për rreth 20 minuta që të mpiksen dhe ti kemi gati për ti veshur me çokollatë.
- Pasi të kenë kaluar 10 minuta, fillojmë të shkrijmë në banjë mari çokollatën. Te çokollata e shkrirë shtojmë vajin e kokosit dhe i tyrazojmë mirë.
- E nxjerrim tavën nga ngrirja dhe me ndihmën e një piruni zhysim brumin e kokosit në çokollatë për ti mbuluar mirë nga të gjitha anët.
- I ri-sistemojmë në tavë dhe i vendosim të mpiksen në frigorifer (jo në ngrirje)
- Pasi të jetë mpiksur veshja e sipërme, çokollatat bounty në kushte shtëpie janë gati.
Mandarina
17 Prill, 2017 at 5:42 pmDuken fantastike 😍
Bake My Day Happy
17 Prill, 2017 at 6:31 pmIa vlenin ti provoje 😊