Cheesecake Japonez është një version ndryshe i përgatitjes së cheesecake. Deri më tani kemi parë pa fund opsione cheesecake me pjekje si kjo receta këtu, por dhe i “djegur” si ky këtu. Ama ka dhe kështu, si ky që është një miks midis pandispanjës dhe cheesecake klasik. Unë do të thoja se ky Cheesecake Japonez është shumë më delikat në shije.
Unë nuk e kisha tentuar ndonjëherë më parë dhe kërkova në internet për recetën. Pashë që receta e Subtle Asian Baking ishte shumë e thjeshtë dhe e provova.
Rezultati, thjesht fantastik.
Cheesecake Japonez
25 Prill, 2023
Persons
9
Serving Size
1 cope
Prep Time
15 minutes
Cook Time
1 hour
Wait Time
2 hours
Total Time
1 hour, 15 minutes
Përbërësit
- 🔹️ 6 të verdha vezësh
- 🔹️ 100g sheqer
- 🔹️ 55g gjalpë
- 🔹️ 300g krem djathi
- 🔹️ 15g niseshte
- 🔹️ 34g miell
- 🔹️ 100ml qumësht
- Për të bardhat:
- 🔹️ 6 të bardha vezësh
- 🔹️ pak pika lëng limoni
- 🔹️ 50g sheqer
Instructions
- Ngrohim furrën në 160°C. Veshim një tavë me hapje anësore me përmasa 20cm x 20 cm me letër pjekjeje. E veshim mirë tavën nga jashtë me letër alumini në mënyrë që të izolojmë derdhjen e cheesecake. E lyejmë tavën pak nga brenda me gjalpë.
- Ndajmë veç të bardhat nga te verdhat e vezëve.
- Ndërkohë në një tigan shtojmë 100g sheqer të bardhë, 55g gjalpë në kuba, 300 g krem djathi Philadelphia.
- I ngrohim në zjarr të ulët duke I trazuar vazhdimisht. Masa duhet të bëhet homogjene. E heqim nga zjarri dhe shtojmë 100ml qumësht dhe I trazojmë mirë. Shtojmë të verdhat e vezëve dhe trazojmë shpejt. Në vijim shtojmë 15g niseshte me 34g miell dhe trazojmë sërisht.
- Ndërkohë, rrahim të bardhat e vezëve me lëngun e limonit shumë mirë dhe shtojmë shqerin e mbetur duke I rrahur vazhdimisht që masa të mos pritet.
- I bashkojmë me kujdes të bardhat me kremin e philadelphias dhe e kalojmë masën në tavën e përgatitur. Tavën e vendosim në një tavë më të madhe të cilën do e mbushim me ujë të nxehtë pasi pjekja është në banjë-mari.
- E pjekim tavën për 25 minuta në 160°C dhe 45 minuta në 130°C.
- Pas pjekjes duhet ta lëmë të ftohet shumë mirë para se ta presim.
© 2024 Bake My Day Happy 2016-2024
Leave a Reply