Sallatë me quinoa (kinua) është propozimi im për ju sot.
Vera po afron dhe sigurisht, duam receta të lehta por sidomos të thjeshta e pa gatim.
A dinit se quinoa e zier duron perfekt në ngrirje? Mund ta shkrini më pas në frigorifer (tek fresku) dhe ta përdorni të ftohtë si në videon time ose ta ngrohni mbi sobë. Pra, nëse keni gatuar mjaftueshëm quinoa dhe nuk e konsumoni dot të gjithën, apo keni pak kohë të lirë dhe doni të parapërgatisni disa ushqime që ti keni gati për netët e javës, kjo do ju shpëtojë jetën.
Mjafton ta paketoni quinoan në qese, mbyllini mirë duke i hequr sa më shumë ajër që të mundeni dhe ngrijeni. Mos harroni ta etiketoni gramaturën dhe datën e ngrirjes (dhe ça ka brenda 🤣).
Nëse doni të dini pak më shumë për quinoan, ju këshilloj të lexoni këtë postimin këtu.
Më poshtë keni një video të shkurtër se si ta përgatisni këtë Sallatë me quinoa (kinua).
Sallatë me quinoa (kinua)
Përbërësit
- 🔹️ 2 kupa quinoa e zier
- 🔹️ ½ kupë misër kanaçeje
- 🔹️ 1 spec djegës në kuba
- 🔹️ 1 panxhar i zier (unë e kam pjekur në airfryer)
- 🔹️ 1 tufë majdanoz/cilantro
- 🔹️ 1 grusht rukola të copëtuar me duar
- 🔹️ 1 lugë gjelle majonezë me erëza sipas dëshirës
- 🔹️ pak kripë (unë përdora të zezë indiane)
- 🔹️ vaj ulliri
- *Për të zier quinoan nëse nuk e keni gati:*
- 🔹️ 1 kupë quinoa
- 🔹️ 4 kupa ujë
Instructions
- Shpëlajmë shumë mirë quinoan në ujë të rrjedhshëm. Ky proçes është shumë I rëndësishëm pasi largon saponinën, substancë që e hidhëron pak quinoan (kinuan).
- E ziejmë më pas në ujë der isa kokrrat të zbuten dhe e kullojmë.
- Për të bërë sallatën, përziejmë të gjithë përbërësit sipas rradhës dhe e shijojmë.
Leave a Reply