Po t’ju thoja që kjo recetë për Donuts të pjekura në air fryer është receta që i afrohet më shumë atyre të skuqura, do më besonit?
Recetave të #njëjavëaifryer iu shtua edhe kjo e donuts të gatuara pa vaj.
Brumin e bëra 1 natë para dhe e hapa në mëngjes. Kështu mund ta përgatisni edhe gjatë javës para se të ikni në punë.
Jo më kot po e postoj sot si ditë e premte, që para se të ikni në shtëpi, blini produktet që ju duhetn, dhe provoni këtë recetë
Ndërkohë që isha duke e shkruar këtë postim, nuk e kisha vënë re tim bir pas krahëve, vetëm kur dëgjova:
Pra ti do na gatuash këto për nesër?
Dhe buzëqeshja e tij i ngjante shumë asaj të Grinch-it hihihihihi
E di që mezi po prisni të lexoni recetën për Donuts të pjekura në air fryer, ndaj po ju le ta lexoni rehat.
Donuts të pjekura në air fryer
10 Shtator, 2021
Persons
12
Serving Size
1 donut
Prep Time
10 minutes
Cook Time
16 minutes
Wait Time
8 hours
Total Time
26 minutes
Përbërësit
Për donuts:
- 🔹️ 3 kupa miell
- 🔹️ 1 vezë
- 🔹️ 1 lugë gjelle gjalpë në temp ambjenti
- 🔹️ 120ml qumësht
- 🔹️ 1/4 lugë çaji maja birre
- 🔹️ 3 lugë gjelle sheqer
- 🔹️ pak vanilje
Për shtresën e sipërme:
- 🔹️ 1 kupë sheqer pluhur
- 🔹️ 2 lugë gjelle qumësht.
Instructions
- Në darkë përziejmë përbërësit e brumit. Brumi do jetë pak i ngjitshëm po s’ka problem. Pasi i kemi përzier mirë, me duart pak të lagura i japim formë rrumbullake brumit dhe e spërkasim pak me miell. E mbulojmë enën dhe e lëmë gjithë natën mbi banak.
- Të nesërmen, spërkasim banakun me miell dhe me kujdes hedhim brumin tashmë shumë të fryrë pa u munduar ta punojmë.
- E hapim me petës deri ne trashësi 2 cm dhe i presim në forma donuts.
- Ndezim airfryerin në temperaturë 195°C.
- Marrim donuts treshe treshe dhe i sistemojmëte koshi i nxehtë dhe sipër me një furçe i lyejmë donuts me pak vaj. I pjekim për 4 minuta.
- Përziejmë sheqerin pluhur me qumështin, masa duhet shumë e trashe pa merak.
- Zhysim donuts dhe i lyejmë mirë vetëm nga njëra ana (sheqeri kullon vetë) dhe i shijojmë ose të ngrohta ose të ftohta
© 2024 Bake My Day Happy 2016-2024
Leave a Reply