Rikthehem sërisht në blog me një recetë për Kek me pure molle dhe reçel fiku.
U bë pak kohë e gjatë që nga hera e fundit që kam postuar në fakt. Mendoja se tani në verë do kisha më shumë kohë për të shkruar, por ja që e paskam menduar gabim.
Lëvizjet e fundjavave, vapa e madhe, përtesa për të shkruar më mbajtën pak larg. Megjithatë, u riktheva 😊.
Vendosa që ta rinis duke postuar këtë recetë keku të thjeshtë dhe shpresoj që ta provoni dhe t’ju pëlqejë edhe ju. Në blog gjeni plot receta keku te tjerta duke klikuar në këtë link.
Përbërësi sekret për këtë kek është salca e mollës. Do mendoni tani se çfarë të jetë kjo, asgjë e komplikuar të dashur miq. Mjafton një kokërr mollë jeshile, e zier me pak ujë sa të zbutet dhe e bluar në formën e një pureje.
Zëvëndësimi I qumështit me këtë salcë e bën kekun të përshtatshëm për ata që vuajnë nga intolerance por gjithashtu e bën dhe shumë të butë.
Tani le të përqëndrohemi ke receta.
Kek me pure molle dhe reçel fiku
Përbërësit
- • 5 kokrra vezë të vogla
- • 100g sheqer të bardhë
- • 100g sheqer kaf
- • 150g salcë molle
- • 150ml vaj
- • 310g miell
- • ¼ lugë çaji sodë buke
- • ¾ lugë çaji pluhur pjekës
- • Pak kripë
- • 3 lugë gjelle reçel fiku
Instructions
- Ndezim furrën në 180°C dhe lyejmë enën e kekut (20cm diametër) me spray jo-ngjitës ose vaj & miell,
- Rrahim vezët më sheqerërat deri sa masa të marrë ngjyrë bezhë të hapur dhe të jetë tre-fishuar në masë
- Shtojmë purenë e mollës, vajin dhe trazojmë mirë.
- Në fund shtojmë të thatat (miellin, sodën, pluhurin pjekës, kripën) dhe I trazojmë mirë me lugë.
- Hedhim brumin në tavën e kekut dhe sipër shtojmë në mënyrë uniforme reçelin e fikut. Duke u pjekur reçeli do zhytet vetë ndaj nuk është e nevojshme ta vini atë në mes të brumit.
- E pjekim për 40 min ose deri sa maja e thikës të dalë e pastër.
Leave a Reply