Si thoni, ta ndërrojmë pak dorën? E meritoni një Kek i kripur me djathë e ullinj.
Format e kekut nuk është e thënë që të përdoren vetëm për kek, dhe kjo dihet (nuk e shpika unë).
Shpeshherë na tërheq pamja e bukur e një keku dhe ndodh që të gatuajmë edhe pse nuk para i preferojmë të ëmblat. Me këtë recetë do ndërroni mendim, Mund të bëni gatime të kripura dhe të ngjajnë po aq bukur sa të ëmblat.
Formën e kekut kësaj rradhe e përdora për të bërë një kek të kripur me djathë dhe ullinj apo ndoshta duhet ta quaja bukë të kripur? hihihihi
Hidhemi tek receta…
Kek i kripur me djathë e ullinj
13 Janar, 2021
Persons
12
Serving Size
1 fete
Prep Time
15 minutes
Cook Time
40 minutes
Wait Time
1 hour, 30 minutes
Total Time
55 minutes
Përbërësit
- 🔹️ 350ml ujë i vakët
- 🔹️ 1 1/2 lugë çaji (tsp) maja birre
- 🔹️ 1 lugë çaji (tsp) sheqer
- 🔹️50ml vaj ulliri
- 🔹️ 520g miell tip 0
- 🔹️ 10g kripë
- 🔹️ 50g djathë
- 🔹️ 100g ullinj në copëza
- 🔹️ 1 lugë çaji rigon
Instructions
- Në fare pak ujë (nga masa lart) shkrijmë majanë dhe sheqerin.
- Sapo të bëhet shkumë shtojmë sipas rradhës ujin e mbetur, vajin, miellin, kripën, djathin, ullinjtë e rigonin.
- I trazojmë me lugë sa të bashkohen dhe e mbulojmë enën me qese.
- Pas 30min, me duar të njoma bëjmë disa palosje nga poshtë lart, sa brumi fillon e lidhet dhe shkëputet nga ena.
- E lëmë të pushojë edhe 30 min të tjera.
- Pastaj, lyejmë tavën me pak vaj dhe me duar të njoma me vaj ulliri copëtojmë brumin në toptha të vegjël duke i sistemuar rëndom në tavë.
- Pasi të kemi përfunduar me të gjitha, mbulojmë tavën me qese dhe e lëmë të vijë brumi edhe 30 minuta të tjera (sa të ngrohet furra).
- Ngrohim furrën në 250°C. Pjekim bukën në raftin më të poshtëm për gati 40 minuta ose sa të marrë ngjyrë.
- Pasi të jetë pjekur, e lëmë pak minuta në tavë dhe pastaj e heqim dhe e lëmë mbi një zgarë që të ftohet mirë.
- PS: nëse nuk doni të përdorni më shumë maja, reduktoni sasinë e saj në 1/4 lugë çaji (tsp) ama brumin lereni të vijë gjithë natën dhe proçesin e bërjes toptha-toptha, ardhjen e brumit në tavë dhe pjekjen bëjeni të nesërmen.
© 2024 Bake My Day Happy 2016-2024
Leave a Reply