Si thoni për burritos meksikane për një darkë të shpejtë? Epo duhet t’ju kem lodhur duke ju thënë se familja ime dhe unë e adhurojmë kuzhinën meksikane. Në fakt është kuzhinë me gatime të shpejta dhe darkave kur jemi aq ngushtë me kohën na nxjerr nga situata. Për më tepër është dhe shumë e shijshme. Fatmirësisht sot në treg gjenden erëza të parapregatitura në markete që mund t’i përdorni për t’i dhënë shije. Megjithatë nëse doni t’i përgatisni vetë linkun e gjeni këtu
Në blog do mund të gjeni disa pjata meksikane nëse dëshironi ti gatuani:
- Takos
- Takos me guackë misri
- Enchiladas)
- Supë enchilada
- Quesadillas (kesadijas)
- Pite tortilla gruri të bëra vetë
Më mungonin burritos dhe 1 gatim tjetër që do jua nxjerr më vonë 😁.
Këto burritos mund ti përgatisni që të djelën për shembull, ti paketoni me letër gatimi dhs ti ruani në ngrirje. Mund të ruhen në mënyrë super fantastike, biles shijet bashkohen kaq mirë me njëra tjetrën kur rrinë gjatë.
Unë përdora speca të pjekur jeshil në kavanoz por fare mund të piqni disa, ti qëroni e prisni fije fije dhe ti ruani në një kavanoz me vaj ulliri. Nuk e keni idenë se sa shije i japin çdo pjate a sallate.
Burritos meksikane për një darkë të shpejtë
Notes
Nëse i keni ngrirë burritos, nxirrini nga ngrirja dhe verini në një tavë. Piqini ende të ngrira në furrë të parangrohur për 30 minuta (të veshura ende me letrën e pjekjes)
Përbërësit
- 8 pite tortilla
- 1 lugë gjelle qepë të grirë
- 1 lugë gjelle vaj ulliri
- 250g mish i grirë
- 1 paketë erëza për takos
- 1 tufë koriandër të freskët (opsionale)
- 8 lugë gjelle speca jeshil të pjekur e të grirë
- 8 lugë gjelle djathë çedar i grirë
- 8 lugë gjelle fasule të kuqe kanaçeje
Instructions
- Në një tigan skuqim qepën me vajin e ullirit dhe shtojmë.mishin e grirë
- I fërgojmë disa minuta dhe shtojmë erëzat për takos. I gatuajmë sa mishi ta ketë thithur lëngun e vet. Më pas shtojmë korianderin e grirë dhe e fikim zjarrin.
- Mbi një pite tortilla hedhim nga një lugë gjelle për secilën sipas rradhës, mish, spec jeshil, fasule, djathë çedar.
- E palosim dhe rrotullojmë piten duke u siguruar që mbushja të jetë e gjitha brenda
- E paketojmë me letër pjekje dhe e vendosim në një qese nëse do i ngrijmë.
- Përsërisim të njëjtin proçes edhe për pitet e tjera.
- Nëse do i pjekim, ndezim furrën në 220°C dhe i pjekim me gjithë letër për 20 minuta
Leave a Reply