Këto tarta brigadeiro me miell hikërror ishin një shpikje e momentit dhe të them të drejtën dolën me sukses. Në bashkëpunim me kompaninë Tescoma, tartat u realizuan shumë thjesht pasi përdora këtë formë
Kur e pashë në katalog e kërkova direkt sepse e dija që përveç bërjes së tartave do të mund t’i përdorja edhe per gatime të tjera. Psh, shtypësja e dorës është ideale nëse do përgatisim mini cheesecake pasi e shtyp bazën e biskotave në mënyrë të njëtrajtshme.
Ndërkohë që prerësja, epo ajo ka qindra përdorime, mund ta përdorim për biskota, byreçka, pite etj (megjithatë këto do t’i testojmë më pas)
Për t’iu rikthyer recetës, unë zgjodha që brumit të tartës ti shtoj edhe miell hikërror për ti dhënë një aromë ndryshe bazës por ju mund ta zëvëndësoni fare mirë me miell normal. Të gjithë përbësit I kisha në shtëpi ndaj nuk rrezikova të dal jashtë plani dhe nga sfida e dollapit gjithashtu ☺
Tarta brigadeiro me miell hikërror
Përbërësit
- Për bazën e tartës
- 🔹️ 180g miell
- 🔹️ 20g miell hikërror
- 🔹️ 100g gjalpë të ftohtë
- 🔹️ 2 lugë gjelle sheqer
- 🔹️ Lëkura e 1 limoni
- 🔹️ 2-3 lugë gjelle ujë I ftohtë
- Për kremin
- 🔹️ 125ml qumësht I kondensuar
- 🔹️ 2 lugë gjelle sheqer kaf
- 🔹️ 6 kumbulla të zeza
Instructions
- Përgatisim bazën duke hedhur në mixer me thika përbërësit e bazës së tartës (përveç ujit). Pulsoni mixerin deri sa brumi të bëhet thërrime-thërrime.
- Shtoni pak ujë dhe nëse brumi mblidhet pothuajse rreth thikave atëhere është gati. Mbështilleni brumin me letër transparente dhe lereni të ftohet për 30 minuta në frigorifer
- Nxjerrim brumin nga frigoriferi dhe e hapim me një petës deri në një trashësi 0.5cm
- E presim në forma dhe I sistemojmë në një tavë për minikekë
- I shtypim me lugën përkatëse por me shumë delikatesë që mos dëmtohet tarta
- Veshim me letër pjekje çdo bazë tarte dhe I hedhim mbi secilën disa fasule ose qiqra që të rëndojnë mbi brumin
- I pjekim në furrë të parangrohur për 20 minuta. Heqim qiqrat dhe I pjekim tartat edhe për 15 minuta të tjera sat ë marrin ngjyrë lajthi
- Gjatë kohës që bazat e tartave piqen, përgatisim kremin mbushës
- Marrim qumështin e kondensuar dhe e hedhim në një enë që nuk ngjit. Është shumë, po shumë e rëndësishme që ena të mos ngjisë pasi kremin e qumështit do na e djegë. E vëmë në zjarr të ulët dhe duke e trazuar vazhdimisht e gatuajmë deri sa kremi të marrë ngjyrë lajthi dhe nëpër të të ketë disa copëza të karamelizuara
- Nxjerrim tartat nga furra, I heqim nga tava dhe I mbushim sa janë ende të nxehta me kremin e qumështit të kondensuar. Marrim sheqerin kaf dhe e shkrijmë në një tigan deri sa të bëhet karamel dhe hedhim nga një lugë çaji mbi çdo tartë.
- Sistemojmë në fund edhe disa feta kumbulla dhe I shijojmë me një kafe të mire
Leave a Reply