Tani që po afron vera, vakti I mëngjesit fillon e bëhet më I lehtë. E ndërsa në dimër të hahen gjëra të ngrohta, të bollshme që të të ngopin e të të ngrohin stomakun, stina e verës është krejt e kundërta. Vapa e madhe na ul energjitë, ose të paktën mua kështu më ndodh. Për këtë arsye, përgatitja e këtyre kupave të cilat mund t’i mbushni me kos grek dhe fruta janë një zgjidhje perfekte. Mund t’i gatuani një herë në javë dhe t’i ruani në një enë hermetike e ti mbushni atëhere kur mendoni t’i konsumoni.
[lt_recipe name=”Kupa me tërshërë kos e fruta” servings=”6 kupa” prep_time=”5M” cook_time=”20M” total_time=”25M” difficulty=”E thjeshtë” print=”yes” image=”https://bakemydayhappy.com/wp-content/uploads/2019/06/kupa-me-tershere-e-kos-533×1024.jpg” ingredients=”• 1 banane e shtypur;• 1 kupë tërshërë petë;• 1 lugë çaji kanellë;• 1 lugë çaji mjaltë;• 1 vezë;• 6 lugë çaji kos grek;• 3 luleshtrydhe;• 6 qershi;” ]Ngrohim furrën në 180˚C. Në një tas hedhim bananen e shtypur, kanellën, vezën dhe I trazojmë mirë më pirun; Shtojmë tërshërën dhe e trazojmë mirë; Lyejmë me pak vaj 6 gropëzat e një tave për minikekë dhe e ndajmë brumin në mënyrë të barabartë; Me ndihmën e duarve I japim forma kupe duke e hapur mirë mesin; I pjekim për gati 20 minuta deri sa të kenë marrë ngjyrë të artë; I heqim nga tava dhe kur të jenë ftohur I hedhim nga një lugë çaji kos grek në secilën. Ndajmë luleshtrydhet në feta dhe I sistemojmë sipër kupave dhe më pas nga një qershi për secilën. [/lt_recipe]
Leave a Reply