E kam ndarë disa herë si recetë dhe po e risjell edhe sot. Çfarë bëj unë çdo pashkë? Vezë turshi-që të përdorim vezët e pashkës. Në javën pas pashkës, përfundojmë të kemi një dyzinë vezë të ziera në shtëpi. Ato që na teprojnë, ato që na japin dhe si përfundim, na përfundojmë me një mori vezësh të ziera që duhet ti konsumojmë. Por si?
Pse ti bëjmë vezët turshi është një ide e mirë?
Sepse kanë një mori benefitesh.
- I rrit jetëgjatësinë. Kështu vezët e ziera me shumicë, i ruajmë për më gjatë në frigorifer
- Janë të lehta për tu tretur. Turshia që përmban uthull ndihmon në tretjen më të shpejtë të tyre
- Snack i shpejtë dhe i shëndetshëm.
- Shoqëruese fantastike të një gote birrë. Kush jeton në Angli, e di se sa mirë shoqërohet një pickled egg me birrë.
Vezë turshi-që të përdorim vezët e pashkës
Përbërësit
- 🔹 10 vezë të ziera fort
- 🔹 300g mix lakër e kuqe dhe e bardhë ose vetëm të kuqe
- 🔹 3 thelpinj hudhër
- 🔹 300ml uthull rrushi
- 🔹 300ml ujë të nxehtë
- 🔹 2 lugë gjelle kripë të zezë
- 🔹 1 lugë gjelle mjaltë
- 🔹 1 lugë gjelle fara mustarde
- 🔹 1 lugë çaji fara koriandër
- 🔹 1 lugë çaji piper të zi
- 🔹 2 dafina
Instructions
- Në një tenxhere ngrohim pak farat e mustardës, të korianderit, piperin e zi dhe dafinën deri sa të lëshojnë pak aromë.
- Shtojmë ujin, uthullën, kripën, mjaltin dhe e vlojmë për 1 minutë.
- Sapo vlon, e fikim zjarrin dhe shtojmë lakrën (mund ta zëvëndësoni dhe me panxhar të grirë).
- Sistemojmë vezët në një apo më shumë enë qelqi që na i nxë frigo. I rendisim vezë, lakër, vezë dhe e përfundojmë me lakër.
- Shtojmë sipër lëngun e turshive deri sa vezët mbulohen. I konsumojmë pas 5 ditëve që janë marinuar.
Për herë të parë si recetë e kam lexuar në një libër të Jamie Oliver në vitin 2021 dhe që atëherë e përgatis çdo vit. Sigurisht që si recetë është shumë e thjeshtë dhe bëhet praktikisht me çdo lloj perimeje që blhet turshi si psh me rrepka (si në foto), me panxhar, me kastravecë, lakër të bardhë, lakër të kuqe etj. Perimet që lëshojnë ngjyrë ama i bëjnë edhe të bukura përveçse të shijshme.
Unë uroj ti provoni dhe pse jo, ti bëni pjesë edhe të traditës suaj në ditët që pasojnë pashkën.
E tani, po ju lë të lexoni recetën.
Leave a Reply