A keni provuar ta gatuani ngjalën në një metodë jo tradicionale? Jo? epo duhet të provoni patjetër këtë Ngjalë zgare stil Japonez.
Unë nuk e dua fare, po fare ngjalën. Ndoshta e kam psikologjike, ndoshta sepse një herë që e provova s’më pëlqeu. Megjithatë, pasi gjeta disa ngjala deti shumë të freskëta, thashë ti gatuaj njëherë stil japonez.
Vështirësia më e madhe e kësaj recete është si ti heqim shtyllën kurrizore. Ju nevojitet vetëm një thikë shumë e mprehtë dhe pak durim. Pasi të keni hequr shtyllën kurrizore, pjesa tjetër bëhet gati shumë shpejt.
Këtë recetë nuk është se e shpika unë, por e gjeta në internet dhe e përshtata. Në Japoni ngjala është një përbërës shumë kryesor. Emrin ndoshta e keni dëgjuar, quhet Unagi (hello Friends fans). Epo, teknikisht kjo e imja do te quhej Anago sepse është ngjalë deti. Që të bëj pak si shkenca dhe jeta, Unagi është ngjala e liqenit dhe Anago ajo e detit në japonisht. (PS:në internet e lexova dhe unë po mos ia thoni njeriu). Japonezët e gatuajnë për sushi, ose në zgarë etj.
Për këtë recetë unë përdora salca të gatshme. Jo vetëm sepse i kisha në shtëpi, por duke qënë hera e parë, s’doja të gaboja. Tani them se do eksperimentoj vetë me kombinime.
Salcën Yakitori e gjeni të gatshme në dyqanet aziatike ose aty ku shesin produkte aziatike. Unë e kam blerë te Neranxi dmth.
Ok, boll me fjalë se e di që si lexoni, po ju lë te shihni videon dhe pastaj të lexoni recetën. Nëse edhe ju jeni si unë që nuk e doni ngjalën, jua këshilloj ta provoni kështu se do ndryshoni mendim.
Ngjalë zgare stil Japonez
1. Filetimi i ngjalës dhe kalimi i saj në shufra hekrui apo shkopa bambuje
2. Përgatitja e salcës
3. Përgatitja e orizit të sushit (Recetën e orizit e gjeni këtu)
4. Pjekja në zgarë.
Pjesa tjetër është vetëm kënaqësia e shijimit. Ju bëftë mirë.
Notes
Për servirjen:
Kalojmë orizin në 4 tasa servirjeje. E lyejmë sipër me salcën e mbetur të ngjalave dhe sipër shtojmë ngjalat e zgarës. Për më shumë shije shtoni dhe pak xhinxher turshi.
Përbërësit
6 ngjala deti
- 2 lugë gjelle salcë të gatshme yakitori
- 1 lugë gjelle salcë soje
- 1 lugë gjelle uthull orizi
Instructions
- Përgatisim ngjalën të cilës i heqim me kujdes shtyllën kurrizore.
- I presim në mes si në video dhe i kalojmë.ose në shkopa bambuje ose hekuri. Kjo për mos të rrotullohen.
- Përgatisim salcën e lyerjes duke trazuar salcën e sojës, uthullën dhe yakitorin.
- I vendosim mbi zgarën e nxehtë nga ana e lëkurës. I pjekim rreth 5 minuta.
- I rrotullojmë dhe i lëmë të piqen për 5 minuta të tjera.
- I kthejmë dhe i lyejmë me salcën e përgatitur. Do i lëmë të karamelizohen rreth 30 sekonda. Këtë proçes nga të dyja anët do e përsërisim 3 herë.
- Kur ngjala të jetë karamelizuar e heqim nga zgara.
Leave a Reply