Meqënëse dje ju fola për gatuesen e orizit, sot po ndaj recetën për Pilaf me lëng mishi në Rice cooker.
Do thoni ju, ua na kënaqe, sikur nuk dimë ne si bëhet pilafi. Epo të dashur miq e mikesha, besoni apo jo, unë nuk para e qullosja mirë. Kur më dilte mirë bëja pak sasi, kur bëja shumë ose e bëja si llapa ose se zieja mirë.
Nejse, unë gatuesen e orizit nuk e përdor vetëm për pilaf. Por mirë është tia nisim nga opsioni për të cilën kjo është krijuar. Përveç pilafit me orizin klasik kokërr-vogël, unë kam gatuar disa lloje orizi dhe çdo gjë ka dalë perfekt.
Për çdo varietet orizi, ka masa të ndryshme; Psh për orizin e kuq integral masa 1:2.5, për atë të zi 1: 3 etj, provoni të eksperimentoni.
Parimi i gatimit të pilafit, është njësoj si në tenxheren normale, shpëlaj orizin, kaurdis, ziej.
Në rice cooker ama, masat janë rigorozisht 1:2 për orizin e pilafit, ndryshe e squllët fare. Kur them masa, i referohem kësaj masës në foto që ka vetë pajisja. Afërsisht një masë është për 1 person (që ta keni si referencë).
Më poshtë mund të lexoni me detaje recetën për Pilaf me lëng mishi në Rice cooker dhe nëse keni pyetje, më thoni.
Pilaf me lëng mishi në Rice cooker
Përbërësit
3 kupa (masa që vjen bashkë rice cooker)
- 6 kupa lëng mishi
- 50g gjalpë
- Kripë
Instructions
- Si fillim, orizi që unë kam përdorur këtu është oriz kokërr vogël, fiks për pilaf. E shpëlajmë në ujë të rrjedhshëm disa herë (5-6 herë) deri sa uji i orizit të dalë i pastër dhe e kullojmë mirë.
- Ndezim gatuesen e orizit duke shtypur butonin për poshtë dhe të ndizet drita e kuqe.
- Shtojmë gjalpin dhe orizin e kulluar.
- E kaurdisim disa minuta duke përdorur lugën plastike që ka vetë rice-cooker në paketim.
- Shtojmë lëngun e mishit, rregullojmë me kripë dhe i vendosim kapakun.
- Gatuesja e orizit do stakohet vetë kur pilafi ta ketë thithur lëngun. Pasi pajisja është stakuar, do ta lëmë të pushojë pilafin për gati 10 minuta. mos kini merak se nuk ftohet pasi pajisja kur stakohet e kalon në opsionin e mbajtjes në të ngrohtë. Pra nuk fiket tërësisht.
- E shkriftojmë me pirun dhe e shijojmë.
- Nëse nuk e konsumojmë të gjithin, kur ta ringrohim, shtojmë vetëm gjysmë filxhani lëng apo ujë dhe ndezim pajisjen e cila do ta ngrohë si duhet.
Leave a Reply