Sanduiç vegan me jackfruit është nga sanduiçet më të veçanta që kam përgatitur ndonjëherë.
Kjo për arsyen se në Shqipëri, nuk para gjendet. Biles e çuditshme është se si arrita ta gjej edhe këtë që bëra recetën. Nuk e di nëse tregu shqiptar do të rritet aq sa të futen edhe produkte të tilla me një çmim të pranueshëm, por unë shpresoj që do të ndodhë. Këtë e gjeta rastësisht në një market që fut produkte të veçanta, por me një çmim super të lartë.
Për të kaluar tek postimi tani. Jackfruit është një frut tropical I cili imiton shijen e mishit në recetat vegane. Kjo sepse ka shije neutrale dhe është me fije si mishi. Gjithashtu në gatim përthith shijen e erëzave që I hidhen.
Thonë thonë se Jackfruit I freskët kur është tërësisht I pjekur, shijon midis mangos dhe ananasit, por kushedi kur do na vijë rradha ta provojmë (ndoshta kurrë hihihi).
Nejse, për mos t’u zgjatur më shumë, po kaloj tek receta jonë për sanduiç vegan me jackfruit.
Siç e kam thënë dhe më lart, jackfruit imiton pamjen e mishit por nuk ka aspak lidhje me shijen e tij, ndaj kijeni në konsideratë këtë se mos mendoni që ka shije të ngjashme.
Nëse doni receta të tjera me sanduiç jo vegan, mund të lexoni këtu ose këtu:
Sanduiç vegan me jackfruit
Notes
1 kanaçe jackfruit = 6 sanduiçe vegan (kjo për ta patur ju si referencë sasie, ndërsa më poshtë po jap përbërësit për 1 sanduiç
Përbërësit
- 🔹️ 1 kanaçe jackfruit (pjesën e mbetur të gatuar përdoreni në receta të tjera)
- 🔹️ 1 lugë kafe pluhur hudhre
- 🔹️ 1 lugë kafe piper të kuq të tymosur (ose jo djegës në mungesë të të tymosurës)
- 🔹️ 1 lugë kafe pluhur chili (pak kumin në mungesë)
- 🔹️ 2 lugë gjelle salcë domatesh
- 🔹️ 2 filxhanë kafeje ujë
- 🔹️ 1 sanduiç
- 🔹️ pak salcë djathi vegane valsoja ose krem djathi të rregullt për jo veganët.
- 🔹️ pak avocado
- 🔹️ spinaq baby
Instructions
- Në një tigan hedhim vajin e ullirit dhe skuqim pak hudhrën.
- Shtojmë jackfruit, salcën e domateve nga kanaçja dhe më pas shtojmë erëzat.
- I kaurdisim pak dhe shgojmë ujin. E mbyllim me kapak dhe e lëmë të zihet disa minuta.
- Passi është zbutur pak, e shtypim jackfruit me pirun në mënyrë që të ndahet fije-fije. Kështu do ngjajë si “pulled pork”.
- Tani përgatisim sanduiçin.
- Ndajmë paninen përgjysmë. E lyejmë me salcën vegane valsoia. Sistemojmë sipër jackfruit e gatuar, ca gjethe spinaqi, avocado dhe e mbyllim paninen.
- E shijojmë direkt.
Leave a Reply