Kjo Kafe elbi (orzo) me pluhur Maca është ideale pë rata persona të cilët duan të ulin konsumin e kafeinës nga dieta e tyre. Elbi është në shije zëvëndësuesi më I përafërt me kafen, veçse pa kafeinë.
Gjatë kohës së karantinës, fillova të konsumoj kafe pa masë ndaj mendova që një dozë ta zëvëndësoja me kafe elbi.
Kështu më erdhi ideja e kësaj pijeje. Do thoni ju po kjo Maca çfarë është?
Maca është një rrënjë e të njëjtës familje si brokoli, lakra apo lakra kale. Ajo njihet si superfood, si dhe mendohet të ndikojë në rritjen e energjisë. Ndaj, kombinimi I elbit për nga shjija dhe energjia e marrë nga Maca e bëjnë këtë pije, fantastike.
Maca ka një aromë shumë të këndshme dhe I jep një shije super pijes. Mua më ngjan si një ndërthurje mes vaniljes dhe karamelit.
Sipas dëshirës (apo intoleancës), mund ta zëvëndësoni qumështin e lopës me qumësht me bazë bimore. Personalisht nuk e preferoj sheqerin në këtë pije, duke qënë se edhe kafen e pi pa sheqer. Ju mund ti shtoni qoftë sheqer qoftë stevia, sipas dëshirës suaj. Nuk do rekomandoja përdorimin e mjaltit në këtë rast pasi do ndryshonte tërësisht shijen e kësaj pijeje, ndaj nëse nuk doni sheqer, pijeni kështu sic jua sugjeroj unë.
Shkon shumë nëse e shoqëroni me këto role me kungull.
Kafe elbi (orzo) me pluhur Maca
Përbërësit
- 🔹️ 500ml qumësht i ftohtë
- 🔹️ 4 lugë çaji kafe elbi e tretshme
- 🔹️ 4 lugë çaji pluhur maca
Instructions
- Ndajmë në 4 gota qumështin ( rreth 125ml per gotë)
- Në secilën prej gotave hedhim nga një lugë çaji pluhur maca dhe elbin pluhur.
- Trazojmë fort deri sa masa të bëhet homogjene. Unë përdora përzjerës elektrik, në këtë mënyrë u bë edhe qumështi me shkumë.
- Shtoni akull sipas dëshirës.
Leave a Reply