Qofte kibbeh dhe gatime të tjera Lebaneze

Sot si për ditë të shtune vendosëm familjarisht që do të gatuajmë ushqim “Ethnic”, pra gatime tradicionale të një shteti tjetër.

Para disa ditësh i bëra tim shoqi Humus të cilin e shoqëroi me pite të lyera me Za’atar (erëza tipike të lindjes së mesme). Nga kjo lindi ideja që të shtunën e parë pushim do të gatuaja ushqime tradicionale lebaneze. Kështu që sot përvesha mëngët dhe përgatita:

Humus dhe Baba Ganoush që recetën e gjeni duke klikuar këtu.
Tabbouleh (Tabule)
Kibbeh (Kibe)
Kos i aromatizuar me pak hudhër, mente dhe Za’atar
Pite të pjekura me Za’atar
Qebap (këto i bleva të gatshme ☺)

Përbërësit gjenden kollaj ne treg ndaj, nëse ju pëlqejnë gatimet e veçanta, ky post është për ju.

[lt_recipe name=”Qofte kibbeh dhe gatime të tjera Lebaneze” servings=”4 persona” prep_time=”30M” cook_time=”20M” total_time=”45M” difficulty=”Mesatare” print=”yes” image=”https://bakemydayhappy.com/wp-content/uploads/2018/10/fried-kibbeh.jpg” ingredients=”Për Pitet:;• 3 pite tortilla (ose pite arabe);• 1 lugë çaji Za’atar;• 1 lugë gjelle vaj ulliri;Për qoftet kibbeh;Brumi mbështjellës:;• 1 kupë bulgur I imët fare;• 1 kupë mish të grirë (gati 200gr);• 1 qepë e vogël e grirë në rende (nga ana e imët);• 1 lugë çaji kripë;• 2 lugë çaji kumin I bluar;• 1 tufë majdanoz e grirë;• 1 tufë mente e grirë;• Vaj luledielli për skuqje;Mbushja:;• 1 lugë gjelle vaj ulliri;• 150 gr mish I grirë;• 2 lugë gjelle qiqra të shtypura me pirun;• 1 lugë çaji kripë;• 2 lugë çaji kumin kokërr;• 1 lugë çaji koriandër kokërr;• 1 lugë salcë domate (nga ato në shishe);Sallata Tabbouleh:;• 1 kupë grurë I zier (ose bulgur I zi kokërr madh);• 1 tufë majdanoz e grirë;• 1 tufë mente e grirë;• 1 thelp hudhër e grirë në rende;• Pak lëng limoni;• ½ spec djegës I grirë;• 3 lugë gjelle vaj ulliri;” ]Si fillim përgatisim sallatën tabbouleh e cila sa më shumë të rrijë aq më e mirë bëhet. Bashkojmë të gjithë përbërësit e sallatës në një tas qelqi, dhe I trazojmë mirë. E mbulojmë me qese transparente dhe e lëmë në frigorifer; Vazhdojmë përgatitjen e qofteve kibbeh. Hedhim në mikser përbërësit e brumit dhe I përziejmë sa të bëhet një masë brumi. Nëse shikoni që brumi është pak I fortë shtoni pak ujë; Vëmë një tigan në zjarr dhe skuqim në vaj ulliri korianderin kokërr dhe kuminin kokërr sa të lëshojnë aromat. Shtojmë qiqrat e shtypura, salcën e domates, mishin dhe kripën. I fërgojmë sa mishi të jetë gatuar; Për të përgatitur qoftet, lagim pak duart me ujë dhe marrim pak nga brumi (sa një top ping-pongu). Hapim një vrimë në mes duke e shtypur me gishtin tregues dhe e rrotullojmë brumin në mënyrë që vrima të zgjerohet (Shiko foton). E mbushim me një lugë çaji nga mbushja dhe e mbyllim me kujdes. E shtypim qoften në mes të dy pëllëmbëve të duarve për ti dhënë formë ovale (si në foto). Përsërisim deri sa të mbarohen përbërësit; Nxehim vajin në një tigan të thellë dhe I skuqim 5 e nga 5 në mënyrë që të skuqen mirë. Pasi t’I kemi skuqur I vendosim mbi një letër thithëse që të heqim yndyrën e tepërt; Për pitet me Za’atar, bashkojmë vajin me erëzat dhe lyejmë pitet. I pjekim në furrë (me opsionin Grill ose në 250˚C) për 5 minuta; I servirim qoftet duke I shoqëruar me kosin e aromatizuar me erëza, pitet, sallatën tabbouleh, humus dhe baba ganoush.[/lt_recipe]