Përpara se të kaloj te receta për Petulla me platano të pjekur, le të sqarojmë fillimisht se çfarë është një platano apo plantain (emri në anglisht).
Nëse do ta shihni në treg, e sigurt që do ta ngatërroni me bananen. Ka pamje të njëjtë (deri diku) por në aromë do ta dalloni ndryshimin pasi platano nuk mban aromë të fortë. Sigurisht që edhe në pamje dallohet pasi është më e madhe dhe më e fortë. Banania është një frut që konsumohet i gjallë por edhe i gatuar, mjaft e ëmbël kur është e pjekur.
Ndryshe nga banania, Platano, konsumohet vetëm e gatuar dhe konsiderohet më shumë një perime sesa një frut. Sidomos kur është e gjelbër. Mund të përdoret në receta të ëmbla apo të kripura, por gjithmonë gatuhet. (Mund ta shihni dallimin e njërës nga tjetra në këtë videon Këtu).
Është një perime që në kuzhinës e zonës së Karaibeve, nuk mungon kurrë dhe përdoret në një mori recetash të ëmbla dhe të kripura.
Petulla me platano të pjekur
Notes
Këshillë: Ne i shoqëruam petullat me nje sallatë lakrash mix të marinuara me një salcë kosi në të cilën hodha hudhër, kripë, vaj ulliri, kos dhe majdanoz.
Përbërësit
- 🔹️ 2 platano të buta (kur lëkurën e kanë të zezë)
- 🔹️ 1 lugë gjelle miell
- 🔹️ 1/2 l kafe sodë buke
- 🔹️ pak kripë
- 🔹️ pak piper të kuq
- 🔹️ 1 qepë të njomë
- 🔹️ 1 hudhër të njomë
- 🔹️ pak xhinxher të grirë
Instructions
- Shtypim platanon e butë me ndihmën e një piruni.
- Shtojmë më pas të gjithë përbërësit e petullave dhe e trazojmë masën sa të bëhet homogjene.
- Nxehim pak vaj luledielli në një tigan të thellë.
- Me një lugë, hedhim nga brumi ne vajin e nxehtë dhe i skuqim petullat derisa të marrin ngjyrë lajthi të errët.
- Duke qënë të skuqura, këshillohet të hahen 3-4 petulla dhe ti shoqëroni me nje sallatë të freskët.
Leave a Reply