Nuk besoj se ka njeri që nuk se si bëhet një burani me vezë. Gjithsesi, vendosa ta ndaj me ju si e bëj unë. Mbase për brezat e rinj mund të jete e vlefshme.
Burania me vezë është gatimi më i shpejtë dhe më i shijshëm që mund të bëni me pak përbërës.
Sekreti qëndron tek veza e mirë në fakt, @veza_savio . Për mua ajo është mbretëresha e vezëve të mira. Më pëlqen pasi nuk mban erë të rëndë veze, por edhe sepse arrij të gjej edhe me dy të verdha 🤣
Përbërësit
- 🔹️ 4 vezë
- 🔹️ 500g spinaq i copëtuar trashë
- 🔹️ 6 qepë të njoma
- 🔹️ pak thelpinj hudhër
- 🔹️ 1 filxhan kafeje me oriz kokërrvogël
- 🔹️ 1 tufë kopër, majdanoz, rigon dhe nenexhik
- 🔹️ 4 lugë gjelle vaj ulliri
- 🔹️ 3 filxhanë kafeje ujë
- 🔹️ kripë sipas nevojës
Instructions
- Ndezim furrën në 220°.
- Në një tenxhere, skuqim në vaj ulliri qepët e njoma me hudhrat deri sa zbuten. Shtojmë spinaqin dhe e trazojmë deri sa të zbutet mirë.
- Shtojmë me rradhë orizin, erëzat dhe kripën plus 1 filxhan kafeje ujë.
- E kaurdisim deri sa uji avullon dhe shtojmë 2 filxhanët e tjerë të ujit.
- Fikim zjarrin dhe e kalojmë masën në një tavë.
- Hapim 4 gropëza dhe në to hedhim vezët. E pjekim tavën deri sa uji ka avulluar dhe vezët janë.pjekur si në foto.
- Alternativisht, mund të mos e bëni në tavë.
- Zakonisht për shpejtësi e bëj direkt në tigan duke e mbuluar me kapak kur hedh vezët. E gatuaj aq sa mpikset e bardha dhe e verdha është ende e ujshme.
- Dy mënyra të ndryshme për 2 shije të ndryshme.
© 2024 Bake My Day Happy 2016-2024
Leave a Reply