Pjeshkë të ngrira të pjekura në zgarë. Po po, e lexuat shumë mirë. Unë ju kam mësuar mënyrën se si të konservoni ne ngrirje pjeshkët. Në këtë postim, po ju mësoj si ti përdorni 😂.
Jemi në sezonin e festave dhe nëse keni punuar si milingona duhet të keni pjeshkë në ngrirje. Pjeshkët janë një frut që përdoren në shumë receta si ky cobbler këtu apo bëhen reçel . Por vë bast se në zgarë si keni provuar asnjëherë.
Pjeshkët e pjekura në zgarë mund të konsumohen edhe si një pjatë mesore ose ëmbëlsirë, Këtë mund ta vendosni ju vetë si do ta servirni. Unë e kam menduar si një pjatë shoqëruese të gjelit të detit për këto ditë festash.
Pjeshkë të ngrira të pjekura në zgarë
14 Dhjetor, 2024
Persons
4
Serving Size
1 pjeshkë
Prep Time
5 minutes
Cook Time
15 minutes
Total Time
20 minutes
Notes
Për tia çuar shijen në një tjetër nivel, mund ti thërrmoni sipër pak djathë të bardhë dhe pak mjaltë.
Përbërësit
- • 4 pjeshkë të ndara në gjysmë (të ngrira ose të freskëta)
- • 1 degë rozmarinë
- • disa gjethe sherebelë
- • kripë të trashë
- • pak vaj ulliri
Instructions
- Nëse pjeshkët i keni në ngrirje siç i kisha unë, nxirrini vetëm pak minuta para se ti gatuani pasi do i gatuajmë direkt të ngrira.
- Nëse i keni të freskëta (se mund ta bëni këtë recetë edhe ne sezon), thjesht pritini pergjysmë.
- Në një tigan zgarë hidhni pak kripë të trashë dhe vendoseni mbi zjarr të nxehet.
- Kur tigani është nxehur, vendosim pjeshkët kokëposhtë (pra nga ana ku janë prerë). Shtojmë sipër dhe rozmarinën e copëtuar me duar dhe disa gjethe sherebelë. Sperkasim sipër me vaj ulliri.
- Pasi shohim qe pjeshkët kanë krijuar keto vijat e zeza të zgarës, i kthejmë nga ana tjetër dhe i gatuajmë edhe për pak minuta.
© 2024 Bake My Day Happy 2016-2024
Leave a Reply