Salcë jeshile e gatuar me domate të pabëra në vend të tomatillos

Një nga disavantazhet e eksperientimit të recetave të reja, apo kopjimi I disa të tjerave është pikërisht mungesa e disa përbërësve të veçantë në tregjet e Tiranës. Megjithatë, më duhet ta pranoj se nuk kjo gjë nuk më ka penguar deri më sot pasi kam arritur të gjej disa zëvëndësues të cilët më kanë habitur shumë nga shija e mirë që I kanë dhënë gatimeve.

Që të jem më specifike, u bë një kohë shumë e gjatë që kam dashur ta tentoj në shtëpi Salcën jeshile (salsa verde). Kjo lloj salce bëhet nga tomatillos dhe e kam hasur kudo nëpër internet; përdoret gjërësisht në recetat meksikane për të cilat jam aq e fiksuar ☺. Tomatillos njihen ndryshe si domate meksikane, por detajet poi a le Wikipedia që t’jua sqarojnë më mirë ☺.

Para pak ditësh bleva domate të pabëra pasi i doja për turshi (po, recetën do e gjeni së shpejti në blog) dhe ky ishte momenti që mendova, Përse të mos ta tentoj salcën jeshile me këto lloj domatesh?! Në fund të fundit kushërinj me tomatillos janë.

Në këtë recetë kam përdorur speca djegës, por ju mund ti zëvëndësoni me speca jo djegës nëse nuk I pëlqeni shijet pikante.

Sasia 2 kupa

Koha totale 15 minuta

PËRBËRËSIT:

  • 2 domate jeshile mesatare
  • ½ qepë e prerë
  • 2 speca jeshilë të prerë, djegës
  • një tufë majdanoz (më mirë akoma nëse gjeni koriandër të freskët)
  • ½ lugë çaji kripë
  • ½ lugë çaji kumin
  • 2 kupa ujë
  • 1 lugë gjelle vaj ulliri
  • 5 thelpinj hudhër
  1. Fillimisht copëtoni trashë domatet.
  2. Ngrohni vajin në tigan dhe fërgoni hudhrat dhe qepët për disa minuta.
  3. Shtoni njëkohësisht domatet e prera, specat, kripën, kuminin dhe fërgojini të gjitha për gati 2 minuta.
  4. Shtoni ujin dhe ulni flakën në minimum. Lerini të ziejnë deri sa të zbuten domatet, aq sa mund ti shtypni me pirun.
  5. Ky hap është totalisht opsional: Ose përdorni blender për ta bërë salcën kremoze, ose bëni si unë duke I shtypur me pirun (më pëlqen salca me copëza të trasha).
  6. Dhe në fund (por jo për nga rëndësia) shtoni majdanozin apo korianderin e grirë imët. Përziejeni mirë dhe ruajeni në një enë qelqi me vakum.

Duke qënë një salcë e bërë vetë dhe pa shtesa konservuese, është e këshillueshme që ta konsumoni brenda dy javëve.

Unë e kam përdorur në Takos, ose thjesht si salcë shoqëruese për pite kërce etj…

 

Leave a Reply

Your email address will not be published. Required fields are marked *

Discover more from Bake My Day Happy

Subscribe now to keep reading and get access to the full archive.

Continue reading