Baozi (Bukë në avull)

Baozi (Bukë në avull)

Për herë të parë, këto bukë i provuam në NY kur kaluam disa ditë pushime. Si çdo gjë deri më sot, për çdo pjatë që na ka pëlqyer kam bërë kërkimet e mia në internet për ta ritentuar edhe në shtëpi. Kjo recetë ishte një ndër to dhe mund të them që doli me shumë sukses. Receta origjinale kërkonte miell shumëpërdorimësh por mqs nuk kisha mjaftueshëm unë futa dhe pak miell që fryhet vetë, mbi të gjitha receta kish dhe pluhur pjekës kështu që mendova se nuk do gaboja,  dhe ashtu doli 😀

Baozi (Bukë në avull)

Shkurt 21, 2017
: 10 bukë
: 2 hr 20 min
: 17 min
: 2 hr 37 min
: Mesatare

By:

Ingredient
  • Për brumin:
  • • 3/4 kupë ujë të vakët
  • •1 1/2 lugë çaji maja të thatë
  • • 1 lugë gjelle sheqer të bardhë
  • • 1 kupë miell të thjeshtë
  • • 1/2 kupë miell që fryhet vetë
  • • 1 lugë çaji pluhur pjekës
  • • 1/2 lugë çaji kripë
  • Për mbushjen:
  • • 250gr mish të grirë gici
  • • 4 qepë të njoma të prera hollë (vetëm bishtat)
  • • 1 lugë gjelle salcë soje
  • • 1/2 lugë gjelle vaj susami dhe po aq vaj ulliri
  • • 1/2 lugë gjelle uthull orizi ose molle
  • • 1cm xhenxhefil të grirë në rende
Direction
  • Step 1 Fillimisht hedhim sheqerin në ujë dhe spërkasim majanë sipër. E lëmë përzierjen për gati 5 min deri sa të krijohet shkumë
  • Step 2 Më pas në një tas të madh hedhim miellrat, kripën, pluhurin pjekës dhe shtojmë edhe ujin me majanë. I trazojmë mirë për gati 10 min deri sa brumi të bëhet elastik. Në varësi të miellit mund të dojë dhe pak ujë gradualisht (receta kërkonte 1/2 cup por gjatë përzierjes vura re që donte dhe 1/4cup ujë më shumë ndaj besoj se do jeni në rregull me dozat e dhëna nga unë)
  • Step 3 E lyejmë tasin me pak vaj, rrotullojmë brumin që të lyhet nga të gjitha anët dhe e mbulojmë tasin me qese transparente. E lëmë brumin të fryhet në një ambjent të ngrohtë për gati 2-3orë
  • Step 4 Ndërkohë që brumi vjen, përgatisim mbushjen.Hedhim në tas të gjithë përbërësit e mbushjes. I trazojmë mirë me duar deri sa të bëhet një masë homogjene
  • Step 5 Pasi të ketë kaluar koha e fryrjes së brumit, e marrim dhe i japim një formë tubi me trashësi dy gisht dhe pastaj e presim në copëza të vogla në total 8 copa
  • Step 6 Pjesa më e vështirë është hapja në formë rrumbullake dhe palosja. Për këtë unë përdora ndihmën e youtube dhe linkun po e attach pasi duket më mirë metoda. Mbushja duhet të jetë gati 1 lugë gjelle plot. Linkun e gjeni këtu
  • Step 7 Buka duhet të dalë pak a shumë si në foto.I vendos në një tavë avulli duke u kujdesur që poshtë secilës bukë të vendosni 1 katror të vogël letër pjekje, kjo për të evituar ngjitjen më tavë. Zierja bëhet për 17 min pa e hapur kapakun dhe minutën e fundit të lihen pa kapak për të evituar rënien e bulëzave të ujit mbi bukë
  • Step 8 Ps: nëse ju tepron mbushja, mos e hidhni në asnjë mënyrë. Bëjeni supë sipas kësaj recete

Kjo paraqitje diapozitivash lyp JavaScript.

 



Këtë e pëlqejnë %d blogues: